Napule

di Eduardo De Filippo

Napule è nu paese curiuso:
è nu teatro antico, sempe apierto.
Ce nasce gente ca, senza cuncierto,
scenne p''e strate e sape recita'.

Nunn'è c''o ffanno apposta, ma pe lloro
'o panurama è na scenografia,
'o popolo è na bella cumpagnia,
l'elettricista è Dio ch''e fa campa'.

Ognuno fa na parte, na macchietta;
se sceglie 'o tipo, 'e panne, 'a truccatura;
n'intercalare, na cammenatura
pe fa successo e pe se fa guarda'.

Note